مُحَمَّد عقِيلة .

لَعَلّكَ سَـعَيْتَ ، لَعَلّكَ دَعَيْتَ ، وَلَعَلّهَا أتِية .

إشتِراك : @ixllix .

مُحَمَّد عقِيلة . pinned « إشتِراك : @ixllix . »

إشتِراك : @ixllix .

عشان يوقفوا للحاجة ويواجهوها ، يقعدوا يراجعوا في حساباتهم وأفكارهم وقناعاتهم وينبشوا في أصلها ومن وين متفرعة ، عشان يرسوا علي بر ويحددوا هل طريقة التفكير هذي ومستفيدين منها بجديات ، ولا غير زايدة الطين بله .

ما تخليش حد يحبطك بالتجربة و المعاشرة ، نحن عايشين وسط مجتمع 90 % منه يطلعوا في عقدهم ومرضهم علي اي واحد يشوفوه مبسوط ولا ناجح ولا حتى مكبر عقله .

الأفكار اللي مش منطقية مرات تقعد جاية من ورا مخاوف منطقية وقوية واجد ، أنت ما زلت ما اعترفتش بيها ولا عرفت تعامل معاها صح لعند توا ، لما يقعد عقلك رايق وجوك مستقر ، قعمز وخليك صادق مع روحك واعرف الأفكار هذي شن هيا بالضبط .

أنا من الناس اللي التفكير الترابطي عندي واخذ حيز كبير ، عبارة عن شنو لما العقل يبدا يربط بين حاجات في الظاهر ما ليهمش علاقة بعضهم بكل ، أو يلقى روحه يربط في مواقف وقصص قديمة بمشكلة جديدة طالعة قدامه توا ، وفجأة تطلع في راسك فكرة أو حل سمح ما كانش يخطرلك علي بالك بكل .

كانك أنت مصدق من جدك إنك ما تملكش السيطرة علي حاجة معينة ، راهو رضيت بيها وتقبلتها كأمر واقع وخلاص ، لكن شنو هي الحاجة اللي واحل فيها ومش قادر تتقبل إنك ما تملكش السيطرة عليها ، وشنو اللي يخليك تفكر أو ترجى في حاجة عكس هكي .

ديما يتهيألنا إن تقدير الذات والثقة بالنفس حاجة ثابتة ما تتغيرش ، حالة هكي يقعد فيها عقلك بروحه يغذي فيك بأفكار سمحة وتدعمك ، وما يتأثرش بكل بأي شك ولا بمشاعر كره .