رُويمه.

نا مش حنبعد عليك من موقف ولا حنقاطعك عشان مشكلة.. القصّة وما فيها إنها تراكمات نا نعدي ونفوت ونسامح، لحد في النهاية تعطيني بإيدك المفتاح اللي بيه حنقفل الباب اللي بيني وبينك طول العمر .

اللي يرد على رسالتك أول ما يشوفها.. مش فاضي أكثر من غيره ولا خفيف، هذا الشخص سوي ومقدّرك واللي يلقى اتصالك ويرد عليك بسرعة.. هذا يقولك منغير كلام إنك مهم عنده. الاهتمام مش كلام سمح وخلاص.. الاهتمام فعل وموقف يبان في زحمة الوقت، إن حد ما يسيبكش معلق متردد، هذه مش حاجة هكي وخلاص.. هذه أمان وإنه يتفكرك وسط زحمة نهاره.. معناه ليك مكانة حقيقية في قلبه. الإنسان السوي ما يستعملش التجاهل عشان يثبت غلاه، ولا يتعمد يتأخر عشان…

لما رديت نراجع في أغلب المواقف اللّي زعّلتني، اكتشفت إني ماكنتش زعلانه من الموقف في حد ذاته، ولا حتى من الشخص اللّي أذاني.. أنا كنت زعلان على روحي. زعلانه لأن لو كنت مكانهم، عمري ما كنت هنتصرف بالطريقة هذي وعمري ما كنت حنخلي حد واجعه خاطره مني ولا زعلان من غير ما نراضيه، مهما كانت الأسباب ومهما صار. يمكن على هذا كله، كان وجعي في روحي واجد بكل من غير أي حد تاني.

‏من اصعب الحاجات اللي ممكن تمر بيها انك تسيب حاجه وانت خاطرك فيها وقاعد بيها.

في داخلي ردود أفعال واجده ، بس فات وقتها المناسب.

نا مش عارفة لو نا بروحي اللي نفكر هك، بس مقياس علاقتي بالناس عندي هو وجودهم في اللحظات اللي تهمني . وقت مرضي، حزني، مناسبة مهمة عندي، أو حتى وقت نكون محتاجة نشوف اهتمامك ومحاولتك عشان تكون جنبي. نعرف إن كل حد عنده مشاغله، وظروفه بس لو حطاتك في مكانة كبيرة عندي، مستحيل ما نحاولش نلقى لك وقت ونهتم بالحاجات اللي تهمك، ونرجى منك نفس المعاملة على الأقل. ولو فشلت في كل هذا، بالنسبة لي مكانتك حتتغيّر.

قبل ما تلومني على طريقتي كيف قعدت هكي، حاول تسأل نفسك الأول نا إيش اللي وصلني للمرحلة هذه.. نحنا مش مجانين راهو، ولا رقدنا وعينا فجأة وقعدنا هكي. الباين أنانيتكم عمتكم وكنتوا تحسابوا حنقعدوا هك! نكتم ونشيل فخاطري ونسكت.. به ولعند أمتى؟! وليش نرضوا بالشيء هذا؟! وإيش اللي يخلينا نكملوا حياتنا بالشكل هذا؟! نحنا صبرنا واجد بما فيه الكفاية وعطينا بدل الفرصة عشرة.. كنتوا تجو علينا وتقصروا معانا وفي حقنا، ونفوتو ونقولوا…

من ضِيقي ‏إلى سِعَتُك يا ربّ.

‏عَبدك فى ضِيق وكرمَك واسع لا يضيق يالله .

الأنسان وهو بصحته وسلامته طامع في الدنيا وما فيها، بس أول ما تريح صحته ينقلب عليه الحال وما عاد يبي إلا مطلب واحد اللي هو العافية، وكل شي قدامه يصغر في لحظة.. الله يعافينا ويعفو عنا وعن كل أهلنا، ويبعد عنا كل شر ويشفي كل مريض.. الحمد لله.